山田太郎大熱當選 + 熊貓之死

二次元都唔得，迫人姦淫擄掠？

香港反送中系列事件日日有新聞，我而家等睇白衫人幾時拎張委任証出來話「我係警察」。而過去兩星期，亦有幾單影響全球唔少ACG (Anime, Comics, Game)愛好者痛心嘅新聞，特此留低幾隻字。

7月18日 京都動畫縱火案

位於京都嘅京都動畫 (京Ani/京阿尼/KyotoAni) 嘅第一工作室遭到縱火，目前(2019–07–29)據報35人死34人傷。京都動畫嘅作品向來以高質素見稱，多一手包辦、鮮有將工作拆上拆外判，亦為業界中罕見嘅清泉，吸引唔少自我要求高嘅從業者投身打拼。喺一間唔夠二百人嘅公司，有34個靈魂灰飛煙滅，且陸續証實有名導演/監制/作畫師遇難，實為全球廣大ACG愛好者帶來極度沉重嘅打擊。

以下內容ACG次文化、性和性小眾提材，請酌情閱讀，另亦需要GP指引家長－即建議長輩閱讀時向年青人尋求提供適當指引。

You have been warned.

三仔有格 四仔冇格

好景阿叔都話齋：「四仔冇格仔，男女都啱睇」

其實一直只有日本正式生產嘅成人向影畫先至會打格仔，歐美不嬲都冇格。

因為日本刑法 175 條規定唔可以令人感到羞恥、傳播媒介唔可以淫穢，所以幾十年以來公認嘅做法就係廠商自願打格去令啲作品睇落冇咁淫。其實個格幾厚幾薄都冇明文規定，甚至到底係唔係打格就ok，都只係行規而已。(有錯請指正)

日本刑法 175 條：凡散播或公開陳列淫穢文件；圖像、電磁紀錄有關的傳播媒介或其他物品者，處二年以下有期徒刑或 250 萬日元以下罰鍰，或同時處以有期徒刑與罰款。透過發送電信散播淫穢電磁紀錄和其他紀錄的人以同罪論。

日本最高裁判所曾經解釋過所謂「淫穢」嘅三個必要條件：
1、刻意刺激學生的性慾使其興奮
2、對一般人正常的羞恥心有所損害
3、違背善良的性道德觀

(引用自 https://www.4gamers.com.tw/news/detail/39763/japan-senator-yamada-taro-elected-by-otaku-fans-and-won-their-hearts和https://originalnews.nico/23592/3)

而然打咗格真係冇咁淫？另一邊廂，竟然接受到7仔喺擺多啦A夢嘅書架隔離就擺一堆鹹書，真係只要打咗格就乜都ok？

大趨勢係以東京2020奧運之名義，便利店會逐步會取消呢啲成人書架 (圖來源不明)

已當選嘅日本參議員候選人山田太郎亦都覺得係本末倒置。

7月21日 日本參議院大選 — 山田太郎大熱當選