Member-only story

内務委員會Halving Event

Bitcoin未half，內會就先half搞出雙胞胎。

4 min readMay 9, 2020

喺Bitcoin halving event預期喺幾日內發生之前。立法會嘅內務委員會喺昨日(5月8日)就發生咗halving event。

香港立法過程中，草案喺大會上一讀之後都必然會轉由內務委員會討論研究。實質條文制定可以喺內會做，亦可以按委員要求成立獨立嘅法案委員會去做。整個流程可能用code表達仲簡單 (歡迎提PR去implement哂個議事規則)。

但內務委員會由2019年度會期開始(即2019年10月)至今一直未能運作，所有法案即使提出來都審唔到 — 包括政府或者都整嘅國家法也好、23條立法也好。

立法會一個任期四年，而每年會有一個會期 (即有四個會期)。會期通常喺7月底完結，10月開始。

每個會期開始時，都需要再為所有委員會重選主席。自逃犯修例風波開始之後，抖完暑過咗一個會期，但至今都未選出主席。

因為建制派只派出李慧琼一個人選主席，而主席選舉本來係由上屆主席做主持，但身為候選人唔可以主持主席選舉，所以就由上屆副主席郭榮鏗做主持。

郭榮鏗/泛民就把握機會攬炒，一直未去到表決流程。(因為一旦表決，票數唔夠建制多)。唔使講亦當然冇將任何要處理嘅法案提上日程。按照內會規則，開會的確第一個議程係要選主席。

建制派舊年喺區議會選舉大敗，都無心戀戰hea住做懶得理。所以抖暑以來都冇乜立法會嘅新聞。

而然，停擺咗半年有多之後，中共都急起來，中聯辦出口術批評，自行解釋中聯辦同基本法22條嘅關係。

建制派就急忙做嘢，即使立法會自嘅法律顧問都話郭榮鏗嘅議程編排「冇做錯到」，建制派就格硬搵埋外部法律意見話「新會期主席未選到，舊會期主席可以繼續審住先 — 只要唔掂選主席部份就合符規定」。