Member-only story
警方高調話人整炸彈時，可唔可以拎啲Juicy啲嘅証據？
而唔係求其執一堆電路板出來就話人係整炸彈
8 min readApr 23, 2020
警方：「昨晚（4月21日），警方有組織及三合會調查科探員於秀茂坪邨，以涉嫌『串謀意圖傷人』罪拘捕一名二十歲專上學院學生，並在屋內搜出電路板及用來刺破車軚的裝置。警方發現，搜獲的電路板與去年12月華仁書院土製炸彈案中的引爆裝置極度相似。」
我唔評論警方有冇其他証據夠料落charge拉人，但現場展示嘅電路板 與 上圖黃色部份 (去年12月炸彈案) ，完全唔一樣。
警方Facebook亦出咗一個post，內文同樣提到「搜獲的電路板與去年12月華仁書院土製炸彈案中的引爆裝置極度相似」。
電路板有個電字呀，今次真係開正我嗰飯。不如同大家睇下呢六塊係乜嘢？
註: 以下連結全部都係我喺網上search出來。我同店舖冇任何關係。
喇叭保護板
接喺喇叭同Hifi之間，令Hifi開機時延遲向喇叭通電，熄機時即刻截電，以防開機熄機嘅訊號突變損害喇叭。
