VPN唔係冇用，而係最低消費

上集講到……

VPN冇用㗎，唔好浪費金錢時間精神

當然篇文係標題黨。正確理解應該係「單只用VPN係冇用㗎，如果你習慣唔改都只係前功盡廢」但要保障上網私隱，VPN其實係第一步。

喺網絡中祼跑嘅問題大致可以分成兩類：

中間人

即使現今大多數連線都係通過HTTPS/TLS去進行，但由於DNS over HTTPS、ESNI仲未盛行（詳細），ISP/WIFI控制人依然有好大機會能夠分析每個使用者上過邊個網站/Domain，只不過會睇唔到當中傳送嘅內容。

另一端出問題

HTTPS/TLS等只係通過加密得手段，保障用戶和網站之間通訊不被外人截獲。但通訊息到達網站端解密之後呢？

1. 網站可以通過IP而對使用者做分析 — 無論係使用人群分析，定係針對個人來自嘅地區提供個性化服務，例如來自唔同地區收唔同premium plan價錢、或者特定地區先可以睇到特定content。
2. 或者當網站被攻破、或按司法要求呈上日志記綠，使用者的IP記錄就會落入第三者

以上嘅問題都可以通過VPN去解決。

VPN係乜嘢

原意係Virtual Private Network，指例如喺屋企經互聯網亦可以連入公司內部網絡(private network)一樣，可以遙距virtually訪問而唔使實實在在坐喺office入面。

但喺上網隱姓埋名呢個context之下，既唔係Private Network亦唔乜嘢Virtual。之不過當中涉及嘅技術、軟件，同原意嘅VPN用到嘅幾乎一模一樣。

噉VPN即係乜嘢（喺呢個context之下）

即係將你上網所有流量全部加密，然後經VPN提供商嘅伺服器出入。

喺加密之後，所有中間人（ISP也好，公共Wifi控制人也好）除咗知道你用咗邊一隻VPN之外，就睇唔到上過邊個網站。

而網站嗰一邊，見到嘅IP亦係VPN伺服器嘅IP，唔會知道你真正嘅IP或亦唔可以從IP推測使用者。當中網站伺服器上嘅日志記錄都係VPN之後嘅IP。

噉VPN又「唔係」乜嘢